Бухоро вилоятининг Ғиждувон туманида фуқарога дарахтларни ноқонуний кесгани учун 18 млн 375 минг сўм жарима солинди. Бу ҳақда вилоят Экология бошқармаси хабар берди.

Қайд этилишича, Ж.Т. ўзи яшайдиган Қарахони маҳалласидаги 5 туп манзарали терак дарахтини ўзбошимчалик билан кесиб ташлаган.

Ҳолат юзасидан ҳуқуқбузар фуқарога нисбатан Маъмурий жавобгарлик тўғрисидаги кодекснинг 79-моддаси 1-қисми (Дарахтларни, буталарни, бошқа ўсимликларни ва ниҳолларни қонунга хилоф равишда кесиш, кундаков қилиш, шикастлантириш, йўқ қилиш ёки бошқа жойга кўчириб ўтказиш) билан 9 млн 372 минг сўм жарима ҳамда табиатга етказилган 9 млн сўм зарар ҳисобланган.