25 февраль куни Ўзбекистон Республикаси президенти матбуот котиби Шерзод Асадов Қозоғистоннинг “Tengrinews”, “Massaget”, “Vesti”, “Жулдыз FM”, “Tengri FM” ва бошқа кўплаб етакчи оммавий ахборот воситаларини бирлаштирган “Alash Media Group” холдингининг асосчиси ва бош директори Зауре Казибаева билан учрашув ўтказди.

Таъкидланишича, учрашувда медиа соҳасида ўзаро манфаатли ҳамкорликни ривожлантиришга оид масалаларнинг кенг доираси батафсил муҳокама қилинган. Қардош халқлар ўртасидаги дўстлик ришталарини мустаҳкамлашга бўйича якдил фикрлар билдирилган.

Хусусан, ОАВга қўшма лойиҳаларни амалга оширишда, контент алмашиш, пресс-турлар уюштириш, Ўзбекистон ва Қозоғистоннинг бой тарихий ва маданий меросини халқаро миқёсда илгари суришда уларга ҳар томонлама кўмаклашишга келишилган.