Президентнинг тегишли қарорида ҳар йили март ойида «Миллий қадриятлар ойлиги» тадбирлари ва халқ сайилларини ўтказиб бориш белгиланган.

Мазкур ойлик миллий қадриятлар, урф-одатлар, халқ ўйинлари йўналишидаги ижро санъатини тарғиб этишга қаратилган бўлиб, бу лойиҳа анъаналар, тарих, халқнинг турмуш тарзи, қадриятлари ва маънавияти каби жиҳатларни ўзида мужассам этади.

Маълумот учун, «Миллий қадриятлар ойлиги»да ранг-баранг тадбирлар ва халқ сайиллари ташкил этилади.

Бунда миллий либослар тарғиботи, халқ ўйинлари, бадиий жамоаларнинг чиқишлари, қўшиқчилик санъати (ўлан, лапар, халқ ўйинлари, терма, маросим қўшиқлари, халфачилик, бахшичилик ва ҳоказо), рақс санъати намуналари( (турли ҳудудларга хос халқ рақслари), миллий чолғучилик санъати, арқон тортиш, дор ўйинлари, тош кўтариш каби қадимий ўйинлар, миллий кураш мусобақаларига кенг ўрин берилади.