Давид Котариа Грузиянинг Ўзбекистондаги янги элчиси этиб тайинланди. У 19 февраль куни ташқи ишлар вазири Бахтиёр Саидовга ишонч ёрлиғи нусхаларини топширди, дея хабар берди ТИВ матбуот хизмати.

Вазир Давид Котариа билан учрашувда уни янги лавозими билан табриклади ва мамлакатлар ўртасидаги икки томонлама алоқаларни кенгайтириш йўлларини муҳокама қилди.

«Ташқи ишлар вазирлиги жаноб элчини Ўзбекистонда самарали дипломатик миссиясини амалга оширишда ҳар томонлама қўллаб-қувватлашга тайёр», – деб ёзди у Telegramʼдаги каналида.