Акмалхўжа Мавлонов Енгил атлетика федерацияси раиси этиб сайланди. Бу ҳақда Олимпия қўмитаси ахборот хизмати хабар берди.

Бугунга қадар Акмалхўжа Мавлонов Божхона қўмитаси раиси сифатида фаолият юритиб келган.

Тайинлов белгиланган йиғилишда енгил атлетика спорт турларини республикада янада оммалаштириш, бу борада мавжуд имкониятлардан тўлиқ фойдаланиш истиқболлари ҳам муҳокама қилинган. Навбатдан ташқари сайлов конференциясида шунингдек, федерация раисининг ўринбосарлари ва бош котиби ҳам сайланиб, ташкилотнинг янги таҳрирдаги устави қабул қилинган.