Бангладешда футбол бўйича ампутантлар ўртасида ўтказилаётган Осиё чемпионати ўз якунига етди.

Унда Ўзбекистон ампутантлар миллий футбол терма жамоаси Осиё чемпионлигини яққол натижалар билан қўлга киритди.

Жумладан, терма жамоа вакиллари Индонезия билан бўлиб ўтган финал баҳсида рақиб дарвозасига жавобсиз 6 та гол урди.

Жамоа бунгача Индонезия (8:1), Бангладеш (3:0), Непал (13:0) ва Ироқни (3:0) мағлубиятга учратган эди.

Шу ҳисобда Ўзбекистон ампутантлар миллий футбол терма жамоаси қитъа биринчилигида 100 фоизлик натижа қайд этди.