12 февраль — дунёда Халқаро илм-фан соҳасидаги хотин-қизлар куни. Кеча Ўзбекистон олима аёллари форумида ҳам ана шу кун нишонланди. Унда иштирок этган Саида Мирзиёева мамлакатда илм-фан соҳасида хотин-қизларни қўллаб-қувватлаш устувор аҳамиятга эга эканидан фахрланишини таъкидлаган.

Унинг маълум қилишича, Ўзбекистонда олимларнинг 48 фоизини аёллар ташкил этади.

«Уларнинг изланишлари, кашфиётлари ва фидойилиги илҳом бахш этади ва илм-фан уларга, улар эса илм-фанга кераклигини кўрсатади.

 

Биз халқаро ҳамжамият билан илм-фан тинчлик ва фаровонликка хизмат қиладиган келажакни бунёд этиш йўлида биргаликда ҳаракат қиламиз!» деб ёзади Президент ёрдамчиси ўз Telegram саҳифасида.