Бугун Адиблар хиёбонида сўз мулкининг султони Алишер Навоий таваллудининг 584 йиллиги муносабати билан шоир ҳайкали пойига гул қўйиш маросими бўлиб ўтди.

Маънавий-маърифий тадбирда шоир-ёзувчилар, олимлар, давлат ташкилотлари, жумладан, Республика Маънавият ва маърифат маркази ходимлари, “Маърифат” тарғиботчилар жамияти аъзолари, талаба ёшлар ва кенг жамоатчилик вакиллари иштирок этишди.

Тадбир давомида Навоий мероси ҳақида гапирилиб, асарларидан парчалар ўқилди, қўшиқлар куйланди.