Ўзбекистонда автокредит фоиз ставкалари пасайиши мумкин. Бугун бўлиб ўтган видеоселектор йиғилишида мазкур масалага ҳам эътибор қаратилди.

Таъкидланишича, ҳозирда кўплаб автосалонлар автомобиль хариди учун пул тўлиқ тўланса, чегирма бермоқда. Лекин амалдаги қоидаларга кўра, кредитга бериладиган автомашина учун бу чегирмани банклар қабул қилмайди. Агар банкларга чегирма қабул қилишга рухсат берилса, кредит ставкаси 4 фоизга арзонлашади.

Йиғилишда ушбу турдаги чекловни маҳаллий автомашиналар учун бекор қилиш муҳимлиги таъкидланган.