Олимлар Шимолий Америкада пандемия келтириб чиқарадиган янги вирусни аниқлади.

Генипавируснинг бир тури бўлган Camp-Hill вируси Алабама штатидан қайд этилган. Мутахассисларнинг хулосаларига кўра, у одамлар ва ҳайвонларни оғир касалликка дучор қилиши, уларнинг ўлимига сабаб бўлиши мумкин.

«Ушбу вируснинг Шимолий Америкада топилиши унинг глобал миқёсда илгари ўйланганидан кўра кўпроқ тарқалаётганидан далолат беради», дейилади хабарда.

Генипавируслар бошқа вирусларга қараганда анча жиддий оқибатларга олиб келиши мумкин.

«Бу гуруга кирувчилардан энг хавфлиси Hendra вируси бўлиб, у биринчи марта Брисбенда (Австралия) топилган. Унинг ўлимга олиб келиш эҳтимоли 70 фоиз», дейди Квинсленд университети (UQ) тадқиқотчиси Рис Перри.

Генипавирус синфида Nipah вируси ҳам бўлиб, Малайзия ва Бангладешда бу вирусни юқтирганларнинг ўлим кўрсатгичи 40 фоиздан 75 фоизгача етган.

Энди яна бир янги тур – Camp-Hill вируси Канада ва АҚШда майда сутэмизувчиларда аниқланди.

Доктор Рис Перрининг айтишича, вирус одамлар учун хавф туғдирадими ёки йўқлигини тушуниш учун кўпроқ тадқиқотлар ўтказиш керак.

Тахминларга кўра, генипавирус оиласига мансуб вируслар ҳайвонлардан одамларга юқади. Ҳозирда вакцина ишлаб чиқариш жараёни фаоллашган.

Яна бир мутахассис Ариэл Исаакс генипавирус оиласига қарши вакциналарни ишлаб чиқиш Квинсленд университети тадқиқотчилари учун устувор вазифа эканини таъкидлайди.