Вазирлар Маҳкамасининг тегишли қарори билан, 2025 йил 1 мартдан бошлаб давлат органларининг расмий веб-сайтлари фақатгина ягона платформа (gov.uz) орқали юритилади.

Бунда давлат органларининг раҳбарлари ташкилотининг расмий веб-сайти ягона платформада юритилиши учун шахсан жавобгар ҳисобланади.

«Киберхавфсизлик маркази» ДУК эса Рақамли технологиялар вазирлиги билан биргаликда ягона платформани ҳар олти ойда беғараз асосда киберхавфсизлик талабларига мувофиқлигини экспертизадан ўтказиб боради.

Веб-сайтлар ягона платформага ўтказилгандан кейин бир ҳафта ичида эски сайтлар ёпилади ёки улар автоматик равишда янги манзилга йўналтирилади.