Қирғизистон ва Ўзбекистон маҳкумларни алмашадиган бўлди. Бу бўйича қонун лойиҳаси Жогорку Кенеш томонидан учинчи ўқишда қабул қилинган.

Маълум бўлишича, ҳозирда Ўзбекистонда 42 нафар Қирғизистон фуқароси, қўшни мамлакатда эса 97 нафар ўзбекистонлик жазо ўтамоқда. Қирғизистон бош прокурори ўринбосари Умуткан Конкубаеванинг сўзларига кўра, бу фуқароларнинг барчаси жазони ўз ватанида ўташда давом этади.

Унинг қўшимча қилишича, мамлакатлар ўртасида маҳкумларни топшириш тўғрисидаги шартнома 2024 йил 18 июль куни Тошкентда имзоланган.