Президент Шавкат Мирзиёев 30 январь куни Тошкентдаги Ислом Каримов ҳайкали пойига гулчамбар қўйди.

Маросимда Олий Мажлис палаталари, Президент Администрацияси ва ҳукумат вакиллари, зиёлилар, шаҳар жамоатчилиги қатнашди.

Шавкат Мирзиёевнинг эътибори билан Биринчи Президентнинг хотираси абадийлаштирилди, Ислом Каримов таваллуд топган 30 январь ҳар йили нишонланадиган бўлди. Тошкентда илмий-маърифий ёдгорлик мажмуаси ташкил этилди. Самарқандга ташрифлар чоғида Ислом Каримов мақбарасини зиёрат қилиш эзгу анъанага айланди.

Бу кейинги авлодлар учун ҳам ибрат ва намуна эканлиги қайд этилди. Қуръон оятлари ўқилиб, дуо қилинди. Биринчи Президентнинг халқ манфаати йўлида қилган ишлари, фазилатлари ёдга олинди.

Бундай тадбирлар Самарқанд ва Қарши шаҳарларида ҳам ўтказилди.