Ўтган ҳафта ижтимоий тармоқларда Сирдарё вилояти ҳокимлиги томонидан 477,9 млн сўмга «KIА Sorento Comfort» хизмат автомобили харид қилингани кенг муҳокамаларга сабаб бўлган эди. Кенг жамоатчилик фикр-мулоҳазаларини инобатга олган ҳолда, ҳокимлик ҳамда автомобиль етказиб берувчи автосалон ўртасида тузилган шартнома бекор қилинган. Бу ҳақида вилоят ахборот хизмати хабар бермоқда.

Қайд этилишича, қайтарилган маблағ «Саховат ва кўмак» жамғармасига йўналтирилган.

«Мазкур маблағлар маҳаллий бюджетга тикланган ҳолда вилоятдаги эҳтиёжманд, ижтимоий ёрдамга муҳтож, ногиронлиги бор, боқувчисини йўқотган оилаларни янада қўллаб-қувватлаш учун «Саховат ва кўмак» жамғармасига йўналтирилди», дейилади хабарда.