Ўзбекистон Туркий давлатлар ташкилотига аъзо давлатлар билан бирга қўшма илмий сунъий йўлдош яратади.

«Ўзбеккосмос» агентлигининг аэрокосмик фаолиятни ривожлантириш бўлими бошлиғи Муҳиддин Иброҳимовнинг таъкидлашича, агар 2022 йилда зарур кўникмалар ва бозор йўқлиги сабабли маҳаллий сунъий йўлдошни учириш ғояси эрта бўлиб туюлган бўлса, энди вазият ўзгарди. Ўзбекистонда давлат ва хусусий секторни қамраб олувчи 600 минг квадрат километрдан 1 миллион квадрат километргача бўлган сунъий йўлдош маълумотларини қайта ишлаш бозори шаклланди.

Ўзбекистон сунъий йўлдошнинг умумий лойиҳага бирлаштириладиган технологик қисмини яратишда иштирок этмоқда. Ишга тушириш 2026 йилнинг ўрталарига мўлжалланган.

Маълум бўлишича, «Ўзбеккосмос» Япониянинг Кюсю технология институти билан шартнома тузган. Ҳамкорлик доирасида 2025 йилда Ўзбекистоннинг етти жамоаси ўз сунъий йўлдошларини ишлаб чиқиш, лойиҳалаш ва йиғишни бошлайди.