2025 йил учун Жиноятчилик индекси (Crime Index bu Country 2025) эълон қилинди.

Унга кўра, жиноятчилик энг авжига чиққан давлат бу Венесуэла ҳисобланар экан. Мазкур мамлакатда жиноятчилик даражаси 80,7 фоиз бўлса, хавфсизлик 19,3 фоизни ташкил этади.

Ундан кейинги ўринда эса Папуа Янги Гвинея жой олган — жиноятчилик – 80,3 фоиз, хавфсизлик – 19,7 фоиз.

Кейинги қаторларни Гаити (жиноятчилик – 78,9 фоиз, хавфсизлик – 21,1 фоиз), Афғонистон (жиноятчилик – 75,1 фоиз, хавфсизлик – 24,9 фоиз) ва Жанубий Африка (жиноятчилик – 74,7 фоиз, хавфсизлик – 25,3 фоиз) каби давлатлар банд қилган.

Ушбу рейтингда Россия 97-ўриндан жой олган — жиноятчилик – 38,7 фоиз, хавфсизлик – 61,3 фоиз.

Қозоғистон эса 77-ўринда — жиноятчилик – 45,2 фоиз, хавфсизлик – 54,8 фоиз.

Ўзбекистон ҳам мазкур индексда бўлиб, мамлакатнинг ўрни 121-ўринда қайд этилган — жиноятчилик – 27,9 фоиз, хавфсизлик – 72,1 фоиз.

Таъкидлаш лозим, 2024 йилги маълумотга кўра, Ўзбекистон 118-ўринда бўлган. Ўшанда мамлакатдаги жиноятчилик даражаси 30,5 фоиз, хавфсизлик даражаси бўлса 69,5 фоиз дея кўрсатилган.

Маълумот учун, рейтингда дунёдаги энг жиноятчилик кам давлат сифатида Андорра кўрсатилган. Кейинги ўринларда Бирлашган Араб Амирлиги, Қатар ва Тайван давлатлар жиноятчилик кам учрайдиган мамлакатлар экани маълумотлар билан келтирилган.

Ўзбекистон эса жиноятчилик кам учрайдиган давлатлар орасида 27-ўринда турибди.