Ишсиз ва иш қидираётган фуқаролар ваучер тизими орқали 35 турдаги бозори чаққон касбларга бепул ўқитилади.

«Касбларни хоҳланг давлат, хоҳланг нодавлат ўқув марказларида ўрганинг, ваучер ҳаммасига ўтади» дейди Бандлик вазирлиги ходими.

Мазкур тизим жорий йилнинг 1 февралидан Самарқанд вилояти ва Тошкент шаҳрида синовдан ўтказилади.

1 майгача эса барча республиканинг барча ҳудудларида жорий қилинади.

Бунда ёш чегараси чегараланмаган. Ваучер тизими учун ҳам ҳеч қандай ҳақ олинмайди. Ўқиш жараёни қанча муддат давом этишидан қатъий назар, харажатлар 100 фоиз тўлаб берилади.

«Бандликка кўмаклашиш давлат жамғармаси томонидан тўловнинг дастлаб 50 фоизи ўқиш бошланганида, қолган ярми сертификат олинганда ўқув марказига тўланади», дейилади хабарда.

Ваучернинг олиш учун нима қилиш керак?

Бунинг учун талабгор туман ёки шаҳардаги Камбағалликни қисқартириш ва бандликка кўмаклашиш бўлимига учрашади. Шундан сўнг фуқаронинг телефонига ҳавола юборилади. Талабгор ана шу ҳавола орқали ҚР-кодли ваучерни юклаб олиши мумкин.

Юклаш якунлангач мазкур электрон ваучер ўқув марказига тақдим қилинади.

Ҳисоб-китоб ишлари ўқув маркази ва бандликка кўмаклашиш бўлими ўртасида амалга оширилади.

Маълумот учун, ваучер қайси вилоятдан олинган бўлса, ўша ҳудуддаги ўқув марказлари учун амал қилади.

«Масалан, Тошкент вилоятидан олган бўлсангиз, пойтахтнинг исталган туманидаги ўқув марказларига ўтади», дейилади маълумотда.

Ваучер асосида бепул ўқитиладиган тил ва касблар рўйхати қуйида келтирилган:

1. Компьютер графикаси мутахассиси;

2. Компьютер техникаси монтажчиси;

3. Интерьер дизайнер;

4. Маркетинг бўйича мутахассис;

5. Мерчендайзер (реклама қилувчи);

6. Контент — менежер;

7. АутоCад дастури;

8. Логистика марказлари техник-оператори;

9. *Cалл-cэнтер оператори;

10. Видеомонтаж;

11. Бухгалтерия (ўрта малакали);

12. Кадрлар ва махсус ишлар бўйича инспектор;

13. Аёллар сартароши;

14. Эркаклар сартароши;

15. Фотограф;

16. Кинооператор;

17. Гид-саёҳатчи;

18. Сурдотаржимон;

19. *Официант;

20. Карвинг санъати устаси;

21. Заргар (моделер);

22. Визажист (стилист-косметолог);

23. Массажчи;

24. *Навбатчи механик;

25. *Кран машинисти;

26. *Кондициялаш ва шамоллатиш системасини таъмирлаш ва унга хизмат кўрсатиш бўйича чилангар;

27. *Қозонхона ишчиси;

28. Маиший техникаларни чилангар-йиғувчиси;

29. Пайвандловчи (3-МТ бўйича барча турдагилар);

30. Чилангар-сантехник;

31. Токарь;

32. Электромонтёр;

33. *Бетончи;

34. Автомобилларни таъмирловчи чилангар;

35. Немис тили.

Эслатма! «*» белгиси қўйилган 7 та касбга иш берувчи томонидан буюртма берилганида ўқитилади.