Актёр Матёқуб Матчонов бир фуқарони (сўкинган ҳолда) ҳақорат қилгани учун маъмурий жавобгарликка тортилди. Бу ҳақида адвокат Бобир Мукадамов хабар берди.

«Машҳурлик жавобгарликдан озод қилмайди!» деб ёзди у ўз саҳифасида.

Бундан олдин ҳақоратланган фуқаро (шахсига ойдинлик киритилмаган) актёр устидан ИИОга ариза киритиб, адвокат сифатида ёллаган.

Бугун, 22 январь куни ЖИБ Чилонзор тумани судида мазкур иш кўриб чиқилган. Унда ҳуқуқбузарнинг ёши, аризачидан суд залининг ўзида узр сўрагани инобатга олиниб, Матчоновга нисбатан БҲМнинг 3 баравари (1 млн 125 минг сўм) миқдорида жарима жазоси қўлланилган.