Буюк Британиянинг «Times Higher Education-THE» рейтинг ташкилоти фанлар бўйича дунёнинг энг нуфузли университетлари ( «World University Rankings 2025 by Subject») рўйхатини эълон қилди.

Жаҳоннинг ТОП-1000 олийгоҳлари киритилган ушбу рўйхатдан Ўзбекистоннинг 3 та олий таълим ташкилотлари илк маротаба жой олди.

Булар:

▪️ «ТИҚХММИ» («Тошкент ирригация ва қишлоқ хўжалигини механизациялаш мухандислари институти») Миллий тадқиқот университети — Табиий фанлар, математика ва статистика йўналишида 301–400-ўрин, Муҳандислик йўналишида 501–600-ўрин;

▪️ Ўзбекистон Миллий университети — Табиий фанлар, математика ва статистика йўналишида 601–800-ўрин;

▪️ Тошкент ахборот технологиялари университети — Таълим йўналишида ушбу университет 601+ -ўрин, Компьютер илмлари ва дастурлаш технологиялари йўналишида 1001+ -ўринни эгаллади.