Миллий тиббиёт марказида ноёб операция — жигар трансплантацияси бўлиб ўтди. Унда ўғил ўз онасига жигаридан бериб, донорлик қилди.

Кейинчалик йигитчанинг айтишича, у бу кунни роппа-роса 2 йил кутган ва охири ниятига эришган.

«Онамга жигаримни беришни роппа-роса икки йил кутдим. Гап шундаки, онамда ушбу хасталик аниқланган пайтда мен 16 ёшда эдим. Қонунчилигимиз бўйича шахс 18 ёшга тўлмагунича ўз тана аъзоларини бошқаларга беролмас, яъни донорлик қилолмас экан. Шунинг учун икки йил кутишимизга тўғри келди. Ниҳоят ўша кун келди. Ҳозир онам ўзини яхши ҳис этяпти. Тўғриси, бундан жуда ҳам бахтиёрман...» дейди у.

Хабарда ёзилишича, ўғил жигарининг бир парчасини бериш орқали онасининг ҳаётини сақлаб қолган.