Ижтимоий ҳимояни ривожлантириш институти томонидан ижтимоий–маиший хизматларни баҳолаш бўйича янги тажрибавий тадқиқот ўтказилди. Унда ёлғиз кексалар, ёлғиз яшовчи кексалар, ногиронлиги бўлган ёлғиз шахслар ва ногиронлиги бўлган ёлғиз яшовчи шахслар иштирок этган.

Маълум бўлишича, хизматлардан фойдаланувчиларнинг аксарияти хизматларга 4,71/5 баҳо берган. Бу эса хизматлардан қониқиш даражаси юқорилигини кўрсатади.

Қўшимча эҳтиёжлар ҳақида сўралганда эса 43 фоиз респондент тиббий хизматларни (масалан, массаж) яхшилашни таклиф қилган. 22 фоиз респондент эса ўзларига қанча вақт хизмат кўрсатилиши кераклигини аниқ билмаган. Шунингдек, қатнашчиларнинг 77 фоизи пуллик хизматларни жорий этишга қарши чиққан.