Шавкат Мирзиёевнинг Бирлашган Араб Амирликларига расмий ташрифи шарафига Дубайдаги дунёнинг энг баланд биноси – Бурж Халифа Ўзбекистон байроғи рангларига бурканди. Бу ҳақда президент матбуот котиби хабар берди.

Ўзбекистон президенти Абу-Даби шаҳрида БАА президенти Шайх Муҳаммад бин Зоид Ол Наҳаён билан самарали музокаралар ҳамда ушбу мамлакатнинг етакчи давлат ташкилотлари, компания ва банклари раҳбарлари билан учрашувлар ўтказди.

Музокаралар якунида икки томонлама ҳужжатлар тўплами, шу жумладан, Стратегик шериклик ўрнатиш тўғрисида декларация қабул қилинди.