Бугун, 15 январь куни Бухоро – Москва (Внуково) йўналишидаги HY9607 авиақатнови белгиланган аэропортга қўнаётганда двигателлардан бири ишдан чиқди.

Маълум бўлишича, ҳолат кузатилганда Узбекистан Аирwайс экипажи томонидан тегишли процедуралар бажарилган ва самолётни белгиланган аэропортга қўндиришга қарор қилинган.

Бортида 132 йўловчи бор бўлган ҳаво кемасида қўниш муваффақиятли амалга оширилган.

Авиакомпания ҳозирда техник хизматлари томонидан барча тиклаш ишлари олиб борилаётганини билдирди.

Амалдаги парвозлар жадвалида режалаштирилган кейинги авиақатновлар энди Внуково халқаро аэропортига учиб кетган захира ҳаво кемасида амалга оширилади.