Ўзбекистонда хизмат кўрсатган артист, театр ва кино актёри Равшан Жўраев бугун, 15 январь куни 63 ёшида вафот этди.

Бу ҳақда актриса ва телебошловчи Мавлуда Аҳмедова маълум қилди.

«Қайғули хабар. Бугун Ўзбекистонда хизмат кўрсатган артист, таниқли актёр Равшан Жўраев оламдан ўтдилар, Аллоҳ раҳматига олсин илоҳим», деб ёзди у ўз Facebook саҳифасида.

Маълумот учун, равшан Жўраев театр ва кинодаги ўзининг ранг-баранг роллари билан халқ меҳрини қозонган эди. Уни элга машҳур қилган сериал эса «Кўнгил кўчалари»дир.