Ўзбекистонда Жисмоний ва юридик шахслар ўз мулкларини қўриқлаш хизматига топшириш ҳуқуқига эга. Эндиликда ушбу хизматдан фойдаланиш учун my.gov.uz платформаси орқали онлайн ариза бериш мумкин. Бунинг учун эса тўлов ундирилмайди.

Қўриқлаш хизматлари шартномада келтирилган шартлар асосида кўрсатилади. Бунда ариза берувчи қўриқлаш турларини ўз ихтиёрига кўра танлайди.

Жумладан, фуқаролар:

▪️ Сигнализация воситалари орқали;

▪️ Ташвиш тугмалари орқали;

▪️ Саф бўлинмалари орқали қўриқланишни танлаши мумкин.

Мазкур хизмат Ўзбекистон Республикаси Миллий гвардияси Қўриқлаш бош бошқармаси томонидан кўрсатилади.