The New York Times жорий йилда ташриф буюришга арзийдиган манзиллар рўйхатини тузиб чиқди. Унда 52 маскан келтирилган бўлиб, Бухоро шаҳари ҳам улар қаторида бор.

Мақолада Бухоро шаҳрининг ноябрь ойида халқаро ва ўзбекистонлик ижодкорлар иштирокида ўтказилиши режалаштирилган биринчи Бухоро биэнналеси ҳақида батафсил маълумот келтирилган.

«Биэннале давомида Энтони Гормли каби таниқли британиялик ҳайкалтарош, Миср ва америкалик ошпаз Лайла Гоҳар, ҳиндистонлик машҳур ижодкор Ҳимали Сингх Соин каби жаҳон миқёсидаги етакчи санъаткорларнинг асарлари намойиш этилиши кутилмоқда», деб ёзади нашр.

Маълумот учун, тадбир 2025 йил 5−20 ноябрь кунлари шаҳарнинг тарихий ҳудудида ташкил этилади ҳамда замонавий санъатга бағишланади.