Таълим жараёни иштирокчиларини психологик қўллаб-қувватлаш тизимини такомиллаштириш мақсадида жорий йилда педагог ходимлар учун бир қатор чора-тадбирлар амалга оширилади.

Жумладан, сентябрь ойидан таълим олувчиларга нисбатан зўравонликка мойиллиги мавжуд педагог кадрларни аниқлаш ва уларга психологик ёрдам бериш механизмлари жорий этилади.

Октябрь ойидан бошлаб эса буллинг, суицид, вояга етмаганлар жиноятини олдини олиш, оқибатларини бартараф этиш бўйича педагог кадрлар учун махсус курс ва дастурлар ишлаб чиқилади.

Бундан ташқари, ўқитувчиларнинг касбий сўнишининг олдини олиш, стрессларга бардошлилик даражасини оширувчи симулятор ва кейслар доимий тарзда яратилиб борилади.

Бунда барча харажатлар Давлат бюджетидан ажратилган маблағлар ҳисобига амалга оширилади.