2024 йилда шахмат турнирларида энг катта мукофот пулларини қўлга киритган шахматчилар рўйхатини эълон қилинди.

Унга кўра, 2024 йилда ҳиндистонлик Гукеш Доммаражу ҳамда хитойлик Динг Лирен энг кўп даромад қилган шахматчилар бўлган. Уларнинг ҳар бири ўтган йили мусобақалардан 1 млн доллардан пул ютиб олган.

Йил давомида пешқадамликни бермаган Магнус Карлсен эса шахматдан бироз узоқлашгани сабабли даромад топишда лидерлик қилолмаган. Бироқ, шундай бўлсада, у рўйхатда 4-ўриндан жой олган. Карлсен 2024 йилда қарийб 633 минг доллар пул мукофотини қўлга киритган.

Ҳамюртимиз Нодирбек Абдусатторов эса ортда қолган йилда ўтган мусобақаларда сал кам 133 минг долларлик пул мукофотларига эга чиққан. Бунинг учун у 12 та асосий турнирда иштирок этган.