Ижтимоий тармоқларда ҳамда Telegram мессенжери орқали турли канал ва гуруҳларда TEMU онлайн дўкони ишга қабул қилаётгани ҳақида хабарлар тарқалмоқда. Унда 1 соатдан 6 соатгача ишлаб 300 минг сўмдан 2 млн 200 минг сўмгача даромад қилиш мумкинлиги айтилади.

Киберхавфсизлик маркази бундай кўринишида тарқатилаётган хабарлар ёлғон ва ҳақиқатга мос келмаслигини маълум қилди.

«Унутманг! Фирибгарларнинг мақсади Сизнинг пул маблағларингизни ўзлаштириш!

 

Текин пишлоқ қопқонда бўлади, бегона шахс Сизга тўсатдан мўмайгина даромад келтиришни таклиф қилдими, билингки бу – фирибгар», дейилади огоҳлантиришда.