Гулямов Саидазим Миркамалович UzAuto Motors Powertrain АЖ бош директори вазифасини вақтинча бажарувчи этиб тайинланди.

UzAuto Motors ва UzAuto Motors Powertrain компаниясининг собиқ раҳбари Андерссон эса бу лавозимда 3 йилу 4 ой ишлагач 27 декабрь куни ўз фаолиятини якунлади.

Энди Гулямов янги раҳбар тайинлангунча компанияни бошқариб туради. Янги раҳбарни тайинлаш масаласи бўйича қарор 2025 йилнинг 30 июнига қадар қабул қилиниши керак.

Маълумот учун, Гулямов Саидазим 2016 йилдан бошлаб UzAuto Motors Powertrain'ни бошқарган (Андерссон тайинлангунга қадар) ва қарийб 15 йил (2010 йилнинг апрелидан буён) компанияда фаолият олиб борган. Бунгача у GM Uzbekistan'да тўққиз ой, ундан олдин эса Американинг Regions Bank'ида 8 йил ишлаган.