«Ўзбекистон халқ артисти» театр ва кино актрисаси Шафоат Раҳматуллаева 83 ёшда вафот этди.

Раҳматуллаева кўп йиллар давомида театр соҳасида фаолият юритиб келган. Шунингдек, у кинофильмларда ижро этган ёрқин ва мазмунли роллари орқали томошабинлар қалбидан жой олган.

«Шафоат Раҳматуллаева театр ва кино санъатини ривожлантиришда фидокорона хизмат қилиб, жонкуяр ва самимий инсон сифатида барчамизнинг қалбимизда мангу яшайди», дея таъзия билдирди Маданият вазирлиги.

Маълумот учун, Раҳматуллаева 1992 йилда «Ўзбекистон халқ артисти» фахрий унвони билан тақдирланган.