Ўзбекистон халқ шоири Усмон Азим Қозоғистоннинг адабиёт соҳасидаги халқаро «Алаш» мукофоти билан тақдирланди.

Мукофот шоирга Алмати шаҳрида Қозоғистон Ёзувчилар уюшмаси ташкил этилганининг 90 йиллигига бағишланган тантанали тадбирда топширилган.

Шунингдек, мазкур тадбирда ТУРКСОЙ ташкилоти бош котиби Султон Раев, Озарбайжон Ёзувчилар уюшмаси раиси Анор Рзаев, Туркия Ёзарлар бирлиги раиси Муса Козим Арижан, Қирғизистон халқ ёзувчиси Арслан Койшиев каби атоқли ижодкорлар ҳам ушбу мукофот билан тақдирланган.

Фото:ЎзА

Маълумот учун, Усмон Азим 1982 йилда Грузиянинг Владимир Маяковский номидаги Давлат мукофотига сазовор бўлган бўлса, 1998 йилда «Дўстлик» ордени билан мукофотланган.