Буюк Британия қироличаси Елизавета II нинг соғлиғи Шотландия Балморал қалъаси ходимида коронавирусга чалинганидан кейин ҳавф туғдирди. Бу ҳақда Express.co.uk нашри хабар берди.

   Маълум бўлишича, қалъанинг барча ходимлари ҳар куни коронавирусга текширувдан ўтказилмоқда. 14 август, шанба куни қалъа ходимларининг бирида ижобий натижа қайд этилган. Шундан сўнг у уйга юборилган, ходимлар учун кафетеря ва бар ёпилган. Шунингдек, сарой ишчилари ҳозирда тиббий ниқоб тақиб юргани ва Елизавета II билан алоқа қилмаётгани маълум қилинган. Қироллик оиласи ҳам айни шундай қилмоқда.

   Хабарда айтилишича, сарой вакиллари овқат пайтида қироллик оиласи аъзолари ўзларига хизмат кўрсатишини муҳокама қилган, аммо Елизавета II таомни хизмат кўрсатувчи ходимлар бериши тўғрисида қарор қабул қилган.