Рақобат қўмитаси Yandex Go платформасидаги такси нархларининг юқорилагани юзасидан огоҳлантириш берди. 

Рақобат қўмитасига ҳолат юзасидан истеъмолчилардан мурожаатлар келиб тушган. Қўмита платформанинг декабрь ойидаги дастлабки 10 кунлик хизмат нархларини мониторинг қилиб, нархларнинг кескин ўзгаришини аниқлаган.

“YANDEXGO UB” МЧЖ қўмита томонидан устун мавқега эга рақамли платформа оператори сифатида эътироф этилган бўлиб, “Рақобат тўғрисида”ги Қонунга асосан, ушбу мавқедаги хўжалик юритувчи субъектнинг ўз мавқеини суиистеъмол қилиши, хусусан монопол юқори нарх белгилаш тақиқланади. шунга кўра, қўмита “YandexGo UB” МЧЖни такси хизматлари нархини пасайтириш бўйича чора кўриш ва платформа нарх алгоритмини қайта кўриб чиқиши бўйича огоҳлантирди.