7 декабрь куни Президент раислигида бўлиб ўтган йиғилишда Ташқи ишлар вазирлигига Буюк Британия, Германия, Канада, Словакия, Австралия, Янги Зеландия каби мамлакатларда ўқиш ва малака ошириш, замонавий корхоналарда ишлаш истагида бўлган фуқароларга енгиллик бўлиши учун виза тартибини соддалаштириш бўйича зарур чоралар кўриш топширилди.

Бундан ташқари, «Work and Travel» каби ҳам билим олиб, ҳам даромад топадиган дастурлардан фойдаланиш имкониятини ошириш мақсадида келгуси йилдан Ёшлар ишлари агентлиги томонидан талабаларнинг йўлкира харажатлари учун ссуда ажратиш йўлга қўйилиши маълум қилинди.

Бундан ташқари, йиғилишда чет элда меҳнат қилаётган юртдошларимиз билан мулоқотни кучайтириш, уларнинг кўпроқ ойлик олишига шароит яратиш ҳамда ижтимоий ва ҳуқуқий қўллаб-қувватлаш лозимлиги қайд этилди.