Истеъмолчилар ҳуқуқларини ҳимоя қилиш агентлигига таркибида «мўъжизавий» шифобахш хусусиятлар бўлган биологик фаол қўшимчалар рекламаси бўйича мурожаатлар келиб тушмоқда. Бу ҳақида Истеъмолчилар ҳуқуқларини ҳимоя қилиш агентлиги ахборот хизмати маълум қилди.

Қайд этилишича, Агентлик фуқароларнинг 460 дан ортиқ шу мазмундаги мурожаатларини кўриб чиққан. Агентлик томонидан ўтказилган мониторинг давомида БФҚ сотиш соҳасида реклама қонунчилигини бузиш билан боғлиқ 490 дан ортиқ ҳолат аниқланган.

Ўрганишлар натижасида Агентлик «мўъжизавий» шифобахш маҳсулотларни харид қилиб алданган истеъмолчиларга 33 млн 700 минг сўмдан ортиқ маблағни қайтаришда ёрдам берган.