Ижтимоий тармоқларда Халқ таълими вазирлиги ўқитувчилардан ота-оналарни электрон кундалик обунасини узайтиришга мажбурлашини талаб қилинаётгани ҳақида маълумот тарқалди. Халқ таълими вазирлиги ахборот хизмати ушбу хабарларга расмий муносабат билдирди.

Қайд этилишича, ХТВ электрон "Kundalik.com"га ота-оналарнинг обунасини узайтиришга мажбурлаш бўйича ўқитувчиларга ҳеч қандай кўрсатма бермаган, обуна ихтиёрий ва шундай бўлиб қолади.

Электрон журнал ва кундаликлардан фойдаланадиган мактаб ўқитувчилари - «Таълим тўғрисида»ги қонунга мувофиқ (637-сонли ЎзРҚ, 23.09.2020 йилда қабул қилинган), ота-оналарга обунани узайтиришни эслатиш ҳуқуқига эга.

«2021 ўқув йилида "Kundalik.com"га обуна нархи ойига эмас, йилига 8600 сўмни ташкил этишини эслатиб ўтамиз. Мазкур суммага платформанинг барча функцияларига кириш, шунингдек, логин ва пароль ҳам киради. Бошқа ҳеч қандай алоҳида тўлов амалга оширилмайди. Икки ва ундан ортиқ фарзанди бор оилалар учун эса 10% чегирма кўзда тутилган», дейилади хабарда.