Телуз университетидаги француз олимлари узоқ вақт давомида илмий изланишлар олиб бориб, инсон юзидаги ажинлар бевақт ўлимнинг белгиси эканини аниқладилар.

Тадқиқотда 32-62 ёш атрофидаги 3200 нафар кўнгилли иштирок этди. Олимлар уларни 20 йил давомида кузатиб боришди. Бу вақт ичида улардан 233 таси вафот этди.

Маълум бўлишича, пешонасида чуқур ажинлари мавжуд инсонлар орасида ўлим ҳолати кўп кузатилган, ажини йўқ одамларда деярли учрамаган. Олимларнинг айтишича, юзи серажин кишиларда юрак-қон томир касалликлари кўпроқ учрайди. Бу эса эрта ўлимга олиб келиши мумкин.