Булунғур туманида ўтказилаётган халқ депутатлари Булунғур тумани Кенгашининг навбатдан ташқари сессиясида ташкилий масала кўрилди, дея хабар бермоқда  Самарқанд вилоят ҳокимлиги ахборот хизмати.

Хабарга кўра, Булунғур тумани ҳокими вазифасида фаолият олиб борган Бахрамов Баходир Абдуллаевич бошқа ишга ўтиши муносабати билан ўз аризасига асосан эгаллаб турган вазифасидан озод этилган.

Сессияда депутатлар томонидан Астанов Самандар Мустафоқулович номзоди Булунғур тумани ҳокими лавозимига тасдиқланди.

Мазкур тайинловга қадар Астанов Самандар Мустафоқулович Самарқанд вилояти прокурори ўринбосари лавозимида фаолият олиб борган.