Давлат солиқ қўмитаси раиси Шерзод Кудбиев Тошкент ёшлар форуми – 2021 доирасидаги ёшлар билан учрашувда таксида кира қилган даврларини ёдга олди.

«2007 йилда Меҳнат вазирлигида етакчи мутахассис сифатида иш бошлаганман. Ўшанда 2007 йилдан то 2009 йилгача кундуз кунлари ишда бўлсам, ойлик етишмагани сабабли, кечки вақт қизил Тико русумли автомобилимда кира қилардим.

Ҳозир бир эмас икки нафар ҳайдовчим бор. Тошкентни улардан яхшироқ биламан. Лекин ҳамма шундай қилиши керак демоқчи эмасман. Бу балки нотўғри ҳамдир», дея гапириб ўтди Кудбиев.