Компания сифат талабларидан келиб чиқиб, 2021 йил 5-17 декабрда ишлаб чиқарилган Nexia, Cobalt ва Lacetti автомобилларини чақириб олиш дастурини эълон қилди.

Компания ахборот хизматининг хабар беришича, «Чақириб олиш» дастури автомобилларнинг орқа ойна иситиш тизимини текшириш зарурати билан боғлиқ.

Машиналарни таъмирлаш ишлари компания ҳисобидан амалга оширилади.

«Барча ишлар “UzAuto Motors” АЖ ходимлари томонидан дилерлик марказларининг сервис хизматида ишлаб чиқарувчининг маблағлари ҳисобидан амалга оширилади. Автомобиллари чақириб олиш дастурига тўғри келган барча автомобиль эгалари дилерлик марказлари ёки компания томонидан огоҳлантирилади», дейилади хабарда.