Куни кеча Гулистон шаҳридаги "Фаровон"  тантаналар саройида икки ёшнинг никоҳ тўйи бўлиб ўтди. Бу тўйнинг шукуҳи шундаки, Меҳрибонлик уйининг собиқ тарбияланувчиси Сардор Сирожиддиновнинг энди тўлақонли оиласи бор.

Шу муносабат билан Сирдарё тумани ҳокимлиги, идора ва ташкилотлар томонидан тўй дастурхони ёзилди. Вилоят ҳокимининг ўринбосари Отабек Носиров икки ёшга бахт тилади ҳамда ҳоким номидан эсдалик совғаларини топширди.

Бир муддат аввал вилоят ҳокими Ғофуржон Мирзаев Сардорбекка "Ховос сити" массивидан икки хонали уй топширган эди.