Қашқадарё вилояти ҳокими Муротжон Азимов воҳа аҳлига мурожаати давомида дабдабали тўйлар ҳақида фикр билдирди. 

Вилоят ҳокими Қашқадарёда бўлган дабдабали тўй ҳақида сўз юритиб, 10 дан ортиқ қозон осиб, 40-50 млн сўм пул сарфлаб, базм уюштираётган, ким ўзарга тўй қилаётганлар ўртасида тарғиботни кучайтириш лозимлигини таъкидлаган.

«Бу каби меъёридан ортиқ овқатланиш биринчидан саломатлик учун хавфли, қолаверса, йиллар давомида оғир меҳнат орқали топилган маблағни мақсадли сарфлаш ҳақида ҳам ўйлашимиз керак. Бир кунлик тўй учун сарф этиладиган 40-50 млн маблағга қанча китоб сотиб олса бўлади, қанча эҳтиёжманд учун хайр-саховат кўрсатса бўлади. Шу қишлоқ учун кутубхона ёки ўқув маркази барпо этса бўлади», – деган ҳоким.