Ўзбекистоннинг энг баланд Янги йил бош арчаси бу йил «Янги Ўзбекистон» боғида ўрнатилди. Боғга ташриф буюриш истагидаги фуқаролар ва пойтахт меҳмонлари учун махсус автобуслар йўлга қўйилди. Бу ҳақида «Тошшаҳартрансхизмат» АЖ ахборот хизмати хабар бермоқда.

Ушбу автобуслар «Дўстлик метроси - Янги Ўзбекистон боғи» йўналишида ҳаракатланади ва  йўловчиларга бепул хизмат кўрсатади.

Ушбу автобуслар 20 декабрь кунидан бошлаб, 2022 йилнинг 10 январь кунига қадар ҳаракатланади. Автобус ҳар куни соат 08:00 дан, 22:00 га қадар қатнайди, ҳаракатланиш вақти эса - 10-11 дақиқа оралиғини ташкил этади.