Uzbekistan Airways талабалар учун 2021 йил 28 декабрдан 2022 йил 10 январгача амалга ошириладиган барча ички қатнов авиачипталарига 50% лик чегирма эълон қилди.

Чегирма барча авиачипталар учун фақат эконом-класс тарифларида амал қилади ва ўз шаҳридан узоқда жойлашган олий ўқув юртларининг кундузги бўлимида таҳсил олаётган талабаларга тақдим этилади.

Чегирмали авиачипта олиш учун йўловчи талабалик гувоҳномаси ва олий ўқув юрти деканатидан маълумотнома тақдим этиши керак.

Шунингдек, бир нечта чегирмаларни умумлаштириш мумкин эмас.