Ижтимоий тармоқлар орқали Самарқанд ва Қашқадарё вилоятларининг айрим ҳудудларида бугун, 19 декабрь куни кучли шамол бўлиб, чанг кўтарилиши ҳолатлари кузатилмоқда. 

Йўл ҳаракати хавфсизлиги бош бошқармаси ҳолат бўйича шошилинч ахборот тақдим этди.

Қашқадарё вилоятининг Чироқчи ва Қамаши туманларида чанг бўрони бошланиб, автомобиль йўллари кўринмай қолгани ҳақида хабарлар тарқалди.

Маълум бўлишича, кейинроқ кучли шамол йўналишини Самарқанд томонга ўзгартирган.

«Барча ҳайдовчилардан йўлларда эҳтиёткор бўлиб, тезлик меъёрига риоя қилган ҳолда, оралиқ масофани сақлаб ҳаракатланишларини сўраймиз», дейилади бошқарма хабарда.