Бугун Тошкент вилоятидаги барча умумий ўрта таълим мактаблари бўйлаб «Оталар куни» тадбирлари ташкил этилади. Бу ҳақида вилоят матбуот хизмати хабар бермоқда.

Қайд этилишича, сана муносабати билан бўлиб ўтадиган учрашув ва мулоқотлар доирасида «Мен, отам ва онам» мавзусида расмлар танлови, 8-11-синф ўқувчилари ўртасида фарзанд тарбиясида отанинг ўрни борасида иншолар танлови ўтказилади.

Учрашувда «Энг намунали ота», «Ибратли ота» каби йўналишларда ўз фарзанди тақдири, билим олиши ва иқболига бефарқ бўлмаган жонкуяр оталарни тақдирлаш маросимлари ҳам кўзда тутилган.