«Кредит-ахборот таҳлилий маркази» кредит бюроси жорий йилнинг 20 июнь санасидан «FREEZE» хизматини тест режимида ишга туширганини маълум қилди.

Мазкур хизмат жисмоний шахслар ўзларига тегишли бўлган кредит тарихини «музлатиб» қўйиши мумкин.

Яъни, кредит берадиган томон қарз беришдан олдин фойдаланувчининг кредит тарихини «КАТМ» Кредит бюросидан олади. Бунда агар кредит тарихи салбий бўлса, қарз берилмаслиги мумкин.

«FREEZE» хизмати эса айнан қарз берувчи томонларнинг кредит тарихи маълумотларига кира олмаслигини таъминлайди. Яъни, хизмат орқали жисмоний шахслар ўз кредит тарихини назорат қилиб боради.

Ушбу хизматдан дастлаб бепул фойдаланиш мумкин.

Бироқ 2025 йил 1 январдан хизмат пуллик бўлади (БҲМнинг 0,03 баробари миқдорида).