Бахшичилик санъати UNESCO’нинг Инсоният номоддий маданий мероси репрезентатив рўйхатига киритилди. Бу ҳақида Маданият вазирлиги ахборот хизмати хабар берди.

Қайд қилинишича, ушбу элемент бўйича номинацион пакет Шавкат Мирзиёев ташаббуси билан Ўзбекистоннинг UNESCO ишлари бўйича Миллий комиссияси томонидан тайёрланиб, 2020 йилда тақдим этилган эди.

Икки йил давомида UNESCO томонидан ўрганиб чиқилди ва бугун Парижда бўлган йиғилишида бахшичилик санъатини номоддий маданий мерос дея тан олиш тўғрисида қарор қабул қилинди.

Сессия доирасида Бош вазир ўринбосари, Ўзбекистоннинг UNESCO ишлари бўйича Миллий комиссияси раиси Азиз Абдуҳакимов бошчилигидаги Ўзбекистон делегацияси «Бахшичилик санъати» номинациясининг тақдимотини ўтказган.