«Ғалаба боғи» ёдгорлик мажмуаси ва «Шон-шараф» давлат музейи жорий йилнинг 28 май кунидан ташриф буюрувчилар учун ўз фаолиятини давом эттиришини маълум қиламиз, дея маълум қилди Мудофаа вазирлиги.

Маълумот учун, Олмазор туманида жойлашган «Ғалаба боғи» ёдгорлик мажмуаси ва унинг таркибидаги «Шон-шараф» давлат музейида янги экспозицияларни жойлаштириш ҳамда мажмуа ҳудудида кичик таъмирлаш ва дезинфекция ишлари олиб борилиши режалаштирилган ва шу муносабат билан жорий йилнинг 20 май кунидан қисқа муддатга уларнинг фаолияти тўхтатилган эди.